Լուրեր
 «    »

ՀԶԳ-ն ՄԱՍՆԱԿՑՈՒՄ Է 2015թ. ՀՈՒՆՎԱՐԻ 26-30 ՊՐԱՀԱՅՈՒՄ ԱՆՑԿԱՑՎՈՂ WFTGA 16-րդ ԿՈՆՎԵՆՑԻԱՅԻՆ

2015-01-25

Հայ Զբոսավարների Գիլդիան ներկայանում է Պրահայում կայանալիք 16-րդ կոնվենցիային ի դեմս ՀԶԳ նախագահ Լիա Բախշինյանի և ՀԶԳ անդամ, ազգային թրեներ Ռոզա Աթանեսյանի:

Գիդերի պատրաստման դասընթացներ

2015-01-16

Հայ Զբոսավարների Գիլդիա ՀԿ կազմակերպում է գիդերի պատրաստման հերթական եռամսյա դասընթացները: Դասընթացները կմեկնարկեն 2015թ.հունվարի 27-ին:
Մանրամասների համար կարող եք դիմել Լիանա Գրիգորյանին (+37491 277 201) մինչև հունվարի 25-ը:

ՀԶԳ վարչություն

ՀԶԳ-ն 10 ՏԱՐԵԿԱՆ Է!

2015-01-11

Հարգելի կոլեգաներ,
Սրտանց շնորհավորում ենք ՀԶԳ բոլոր անդամներին Հայ Զբոսավարների գիլդիայի հիմնադրման 10-ամյակի առթիվ: Սույն թվականի հունվարին լրացավ Հայ զբոսավարների Գիլդիայի հիմնադրման և որպես հասարակական կազմակերպություն պաշտոնապես գրանցման 10 տարին: Բոլորիս մաղթում ենք դեռևս երկար բեղումնավոր աշխտանքային տարիներ:

Հարգանքով
ՀԶԳ վարչություն

ԵՐԵՎԱՆՈՒՄ ԲԱՑՎԵԼ Է ԶԲՈՍԱՎԱՐՆԵՐԻ ՄԱՋԱԶԳԱՅԻՆ 3-րդ ՈՒՍՈՒՄՆԱԿԱՆ ԿԵՆՏՐՈՆԸ

2014-12-11

Համապատասխան համաձայնագիրն այսօր ստորագրել են «Հայ զբոսավարների գիլդիա» հասարակական կազմակերպությունը (ՀԶԳ ՀԿ) և Զբոսավարների ասոցիացիաների համաշխարհային ֆեդերացիան (ԶԱՀՖ/WFTGA):

Զբոսավարների միջազգային 3-րդ ուսումնական կենտրոնն առաջինն է տարածաշրջանում: Մյուս երկու կենտրոնները գտնվում են Կիպրոսում և Սաբայում:

Կենտրոնի դասընթացները կանցկացվեն Երեւանի պետական համալսարանում:

«Հայ Զբոսավարների Գիլդիա» ՀԿ նախագահ Լիա Բախշինյանն ասել է, որ ուսումնական կուրսի տեւողությունը մոտ երկու շաբաթ է: Հայ զբոսավարների համար վերապատրաստումը կլինի անվճար:

Դասընթացները վարելու են Զբոսավարների ասոցիացիաների համաշխարհային ֆեդերացիայի կողմից հավատարմագրված երեք միջազգային և ութ ազգային մասնագետները:

Զբոսավարների ասոցիացիայի համաշխարհային ֆեդերացիայի նախագահ Ֆելիսիտաս Վրեսնիգի փոխանցմամբ, ոչ միայն հայ, այլև արտերկրից ժամանած զբոսավարները կենտրոնում ձեռք են բերելու նոր հմտություններ:

«Սա նաև լավ հնարավորություն է ծանոթանալու տարբեր ազգերի մշակույթներին և դրանց ներկայացման առանձնահատկություններին», - ասել է Ֆելիսիտաս Վրեսնիգը:



http://www.banks.am/am/news/newsfeed/10262/

Բազմաշահառու սեմինար՝ նվիրված Հայաստանում զբոսաշրջության զարգացմանը: 24-25 հուլիս 2014

2014-09-13

2014թ. հուլիսի 24-ից 25-ը Ծաղկաձոր քաղաքում կայացավ Բազմաշահառու սեմինար՝ նվիրված Հայաստանում զբոսաշրջության զարգացմանը: Սեմինարի հիմնական առանցքը եղել է ՀԱՅԱՍՏԱՆՈՒՄ ԶԲՈՍԱՇՐՋՈՒԹՅԱՆ ՏԵՍԱՆԿՅՈՒՆԻՑ ԿԱՐԵՎՈՐ ՆՇԱՆԱԿՈՒԹՅՈՒՆ ՈՒՆԵՑՈՂ ԳՈՐԾՈՆՆԵՐԻ ՎԵՐՀԱՆՈՒՄԸ: Տուրիզմի և սպասարկման ոլորտից ներկա գտնվող կազմակերպությունների շարքում իր մասնակցությունն է ցուցաբերել նաև Հայ Զբոսավարների Գիլդիան:
(մանրամասները տես՝ միայն ՀԶԳ անդամների համար բաժնում)