2018թ. փետրվարի 21-22-ը Տաշքենդում, Զբոսավարների համաշխարհային օրվան նվիրված ամենամյա տոնակատարության շրջանակներում անցկացվեց Զբոսավարների Երկրորդ Միջազգային ֆորումը «Մետաքսի ճանապարհ. Համագործակցություն առանց սահմանների» խորագրով։ Ֆորումին մասնակցեցին ավելի քան 120 ազգային և միջազգային զբոսավարներ և փորձագետներ:
Ֆորումի հիմնական նպատակն է երկխոսություն հաստատել «Մետաքսի ճանապարհ» միջմայրցամաքային ուղու վրա գտնվող երկրների ներկայացուցիչների միջև, ինչը հիմք կդառնա հետագա համատեղ համագործակցության համար:
Միջոցառման շրջանակներում անցկացվեց միջազգային գիտագործնական կոնֆերանս, որին մասնակցեցին Ռուսաստանի, Հայաստանի, Ադրբեջանի, Ղազախստանի, Թուրքիայի, Սերբիայի մշակույթի և թանգարանային ոլորտի, մասնավոր կազմակերպությունների և պետական գերատեսչությունների, ինչպես նաև Տուրիստական գիդերի ասոցիացիաների համաշխարհային ֆեդերացիայի ներկայացուցիչներ:
Հայաստանը՝ ի դեմս Հայ Զբոսավարների Գիլդիայի, հանդիսանում է Տուրիստական գիդերի ասոցիացիաների համաշխարհային ֆեդերացիայի երկու միջազգային ուսումնական կենտրոններից մեկը նաև Մետաքսի ճանապարհի վրա։ Միջազգային գիտագործնական համաժողովի շրջանակներում, Հայ Զբոսավարների Գիլդիայի նախագահ Լիա Բախշինյանը անցկացրեց էքսկուրսավարության վարպետության դաս:

Միասին մենք ավելի լավն ենք դարձնում տուրիզմի ծառայությունը Հայաստանում, կամ երբ խոսքը գործ է դառնում։

Մեկնարկում է շատ հետաքրքիր և օգտակար կրթական համագործակցություն ԲԱՍՎՈՅԱԺ ընկերության և ՀԱՅ ԶԲՈՍԱՎԱՐՆԵՐԻ ԳԻԼԴԻԱ ՀԿ-Ի միջև։ Խոսքը գնում է անգլերենի դասեր անցկացնելու մասին, որոնք կտևեն մեկ ամիս: Գաղափարը ծնվեց BUSVOYAGE ընկերության 15-ամյակին նվիրված միջոցառմանը՝ դառնալով օրվա անակնկալ նվերը։

Շնորհավորում ենք BUSVOYAGE ընկերության վարորդներին և ՀԶԳ-ին ի դեմս Ռոզա Աթանեսյանի հին ընկերների հետ նորովի համագործակցելու առթիվ։
Մենք պրոֆեսիոնալներ ենք:

ՀԶԳ վարչություն

Թող այս տարին բոլորիդ ընտանիքներին միայն ուրախություն, բարեկեցություն, առատություն բերի։
Թող նպատակների իրագործման տարի լինի կյանքի բոլոր իրավիճակներում։ Առողջ եղեք, ուժեղ ու բարի։
Շնորհավոր Նոր Տարի և գալիք Սուրբ Ծնունդ

ՀԶԳ վարչություն

2017թ. նոյեմբերի 23-ին մեկնարկեց Երևանի WFTGA միջազգային թրեյնինգ կենտրոնի HOT (Hands On Training) փուլը: Այն կտևեի մինչև նոյեմբերի 29-ը: Դասընթացի մասնակիցները Հայաստանից և Ուզբեկստանից են։ Դասընթացն այս անգամ ռուսերեն է։

WFTGA միջազգային թրեյնինգ կենտրոն Երևանում, Հայաստան

GIZ-ի «Մասնավոր հատվածի զարգացում և մասնագիտական կրթություն և ուսուցում» (PSD TVET) ծրագրի աջակցությամբ Զբոսաշրջային գիդերի ասոցացիաների համաշխարհային ֆեդերացիայի (WFTGA) միջազգային փորձագետ Գենադի Չուդնովեցը նոյեմբերի 23-ից դեկտեմբերի 6-ը ԵՊՀ-ում վարում է զբոսավարների գործնական և վերապատրաստման դասընթացներ (ToT):

Գործնական դասընթացի նպատակն է զարգացնել զբոսավարների նախնական գործնական հմտությունները: Դասընթացն օգտակար կլինի նաև փորձառու զբոսավարների համար։

Վերապատրաստման դասընթացն իր հերթին թույլ կտա հմուտ զբոսավարներին և տեղացի դասընթացավարներին ստանալ WFTGA-ի միջազգային սերտիֆիկատ: Դասընթացի ընթացքում զբոսաշրջավարներին կդասավանդվեն գործնական զբոսավարության հմտությունների, կիրառական գիտելիքների, մշակութային գիտելիքների և բիզնես հմտությունների զարգացման մոդուլներ: