2015թ. փետրվարի 15-ին ժամը 15:00-ին Ավիատրանս հյուրանոցի կոնֆերանս սրահում անցկացվեց դասախոսություն Հայաստանի անդամակցությունը Եվրասիական միությանը և հեռանկարներ թեմայով: Դասախոսությունը վարեց Երևան մամլո ակումբի փոխտնօրեն պրն. Ավետ Դեմուրյանը:

ՀԶԳ վարչություն

2015թ. հունվարի 26-30 Գիլդիան կմասնակցի Պրահայում կայանալիք Զբոսավարների ասոցիացիաների համաշխարհային ֆեդերացիայի (WFTGA) 16-րդ համաժողովին։ Այս տարի համաժողովին Գիլդիան կներկայացնի նաև 2014թ-ին բացված WFTGA Միջազգային թրեյնինգ կենտրոնը Երևանում։ Կենտրոնի առկայությունը Հայաստանում հնարավորություն է տալիս և հայ, և օտարերկրյա զբոսավարներին, ստանալ մասնագիտական հմտություններ ըստ միջազգային չափորոշիչների։ Պատվիրակներ՝ ՀԶԳ նախագահ Լիա Բախշինյան և ազգային թրեներ Ռոզա Աթանեսյանի:

Հայ Զբոսավարների Գիլդիա ՀԿ կազմակերպում է գիդերի պատրաստման հերթական եռամսյա դասընթացները: Դասընթացները կմեկնարկեն 2015թ.հունվարի 27-ին:
Մանրամասների համար կարող եք դիմել Լիանա Գրիգորյանին (+37491 277 201) մինչև հունվարի 25-ը:

ՀԶԳ վարչություն

Տուրիզմի ոլորտում աշխատանքի բազմամյա փորձ ունեցող զբոսավարների կողմից 2005թ-ին պաշտոնապես գրանցված Հայ Զբոսավարների Գիլդիա հասարակական կազմակերպությունը՝ առաջին պրոֆեսիոնալ միությունը Հայաստանում, այսօր 10 տարեկան է։ ՀԶԳ բազմաթիվ ձեռքբերումներից նշեք երեքը.
ա/ ՀԶԳ հիմնադրման պահից գործող Գիլդիայի մասնագիտական դպրոցը, որի գլխավոր նպատակն է զբոսավարի մասնագիտության համապարփակ գիտելիքների և հմտությունների փոխանցումը նոր սերունդներին։

բ/ 2009թ. ՀՀ Էկոնոմիկայի նախարարության կոմից Գիլդիան պարգատրվել է Ոսկե մեդալով, Հայաստանում զբոսաշրջության ոլորտի զարգացմանը նպաստելու համար։

գ/ 2014թ-ին Զբոսավարների ասոցիացիաների համաշխարհային ֆեդերացիայի (WFTGA) միջազգային թրեյնինգ կենտրոնի հիմնարկումը Երանում, որը միակն է տարածաշրջանում և 3-րդը աշխարհում։

Սրտանց շնորհավորում ենք Գիլդիայի փորձառու և սկսնակ, նվիրյալ և ակտիվ բոլոր անդամներին մեր մասնագիտական միության՝ համքարության ձավորման 10-ամյակի առթիվ: Մաղթում ենք առողջ, արդյունավետ և հետաքրքիր աշխտանքային տարիներ:


Հարգանքով
ՀԶԳ վարչություն

Հայ Զբոսավարների Գիլդիա հասարակական կազմակերպությունը (ՀԶԳ ՀԿ) և Զբոսավարների ասոցիացիաների համաշխարհային ֆեդերացիան (ԶԱՀՖ/WFTGA) այսօր ստորագրել են WFTGA ՄԻՋԱԶԳԱՅԻՆ ՈՒՍՈՒՄՆԱԿԱՆ ԿԵՆՏՐՈՆԸ ԵՐԵՎԱՆՈՒՄ բացելու համաձայնագիրը:

Զբոսավարների միջազգային 3-րդ ուսումնական կենտրոնն առաջինն է տարածաշրջանում: Մյուս երկու կենտրոնները գտնվում են Կիպրոսում և Սաբայում:

Կենտրոնի դասընթացները կանցկացվեն Երեւանի պետական համալսարանում:

«Հայ Զբոսավարների Գիլդիա» ՀԿ նախագահ Լիա Բախշինյանն ասել է, որ ուսումնական կուրսի տևողությունը մոտ երկու շաբաթ է: Հայ զբոսավարների համար վերապատրաստումը կլինի անվճար:

Դասընթացները վարելու են Զբոսավարների ասոցիացիաների համաշխարհային ֆեդերացիայի կողմից հավատարմագրված երեք միջազգային և ութ ազգային մարզիչները:

Զբոսավարների ասոցիացիայի համաշխարհային ֆեդերացիայի նախագահ Ֆելիսիտաս Վրեսնիգի փոխանցմամբ, ոչ միայն հայ, այլև արտերկրից ժամանած զբոսավարները կենտրոնում ձեռք են բերելու նոր հմտություններ:

«Սա նաև լավ հնարավորություն է ծանոթանալու տարբեր ազգերի մշակույթներին և դրանց ներկայացման առանձնահատկություններին», - ասել է Ֆելիսիտաս Վրեսնիգը:



http://www.banks.am/am/news/newsfeed/10262/